Zyrtarët e shëndetësisë kanë regjistruar më shumë se 20 milionë raste të koronavirusit në evropë, sipas shifrave të AFP që bazohet tek burimet zyrtare. Evropa është rajoni më i prekur nga virusi që u shfaq në kontinent në fillim të vitit. Thuajse 40 për qind e rasteve të reja të konfirmuara shtatë ditët e shkuara në të gjithë botën, ishin në evropë, por shkalla e infektimit duket se po stabilizohet me një rënie prej 2 për qindësh të rasteve krahasuar me një javë më parë. Pas evropës, SHBA dhe Kanadaja kanë 15.4 milionë raste dhe amerika latine 13.6 milionë. Deri më sot, ka 67 milionë raste të konfirmuara në të gjithë botën që kur pandemia nisi në fund të 2019. Në shtetet e bashkuara të amerikës, shifrat po rriten me ritmet më të shpejta të para deri më tani ndërkohë që vendi po i afrohet 15 milionë infektimeve në total. Në pesë ditët e shkuara SHBA ka shtuar 1 milionë infektime të reja në bilancin total, duke e cuar atë në 14.9 milionë. SHBA po ashtu raportoi 15658 viktima në shtatë ditët e fundit cka e bën këtë javën më vdekjeprurëse që nga prilli. Ndërkohë në evropë, gjermania ka raportuar një rritje rekord të rasteve të koronavirusit për 100 mijë banorë. Sipas të dhënave të raportuara të martën gjermania ka mesatarisht 147.2 infektime për 100 mijë banorë gjatë këtyre shtatë ditëve të shkuara. Kancelarja merkel ka thënë se vendi duhet të vijojë me masat anti pandemi ndërsa ministri gjerman i shëndetësisë, jens spahn, tha se një izolim më strikt mund të bëhet i nevojshëm nëse trajektorja nuk përmbyset. Italia ndërkohë raportoi të martën 14842 raste të reja koronavirusi dhe 634 viktima, duke e cuar totalin e këtyre të fundit që nga fillimi i pandemisë në 61 240.