Roveri i NASA-s, Perseverance, ka zbuluar shkëmbinj brenda një kanali të lashtë lumor në Mars, të cilët mund të përmbajnë të dhëna për jetën mikroskopike të zhdukur prej kohësh, njoftuan shkencëtarët. Ndërsa zbulimi është premtues, ata theksuan se vetëm analiza e detajuar laboratorike në Tokë mund të përcaktojë nëse jeta dikur ka ekzistuar atje. Që nga ulja në Kraterin Jezero në vitin 2021, Perseverance është pajisur me një pajisje për të shpuar shkëmbinjtë marsianë dhe për të marrë mostra nga zonat e konsideruara më të favorshme për të mbajtur shenja jete të miliarda viteve më parë. Vetë Roveri nuk mund të zbulojë drejtpërdrejt organizmat. Në vend të kësaj, ai përqendrohet në mbledhjen e kampionëve nga toka marsiane dhe kthimin e tyre në Tokë. Megjithatë, ky mision kthimi është bllokuar ndërkohë që NASA rivlerëson mënyrat për ta bërë nxjerrjen e roverit nga marsi më të lirë dhe më të shpejtë.