Sallat e dasmave në të gjithë turqinë, mbeten të zbrazura, në një kohë kur nuset e ardhshme detyrohen të anulojnë ceremonitë e planifikuara për shkak të rritjes së numrit të infektimeve nga covid 19. Autoritetet turke njoftuan shtyrjen e ndalimit të martesave dhe ceremonive të tjera këtë muaj në një kohë kur rriten shqetësimet për ekspozimin ndaj virusit në këto evente. E ky ka qenë një telash i madh për industrinë e jashtëzakonshme të dasmave në Turqi. Shoqja ime e ngushtë e shtyu dasmën e saj për të pestën herë. Duhej të ishte zhvilluar në mars. Unë besoj se e gjithë kjo po e vendos nën presion sektorin e dasmave dhe ne do të njihemi si nuset e pandemisë... Në turqi, sektori i dasmave është shumë i madh. 600 mijë cifte martohen cdo vit dhe në cdo dasëm shpenzohen mesatarisht 100 mijë lira turke. Dhe janë rreth 600 mijë kompani që ofrojnë shërbime për sektorin e dasmave, duke filluar nga ambjentet e zhvillimit të tyre, fotografët, pasticierët, parukeritë etj. Në turqi, dasmat kanë mesatarisht 250 të ftuar dhe prej tyre, të paktën 80 udhëtojnë nga një qytet tjetër.