Shpërthimi i COVID-19 dhe masat për të kontrolluar përhapjen e tij kanë ndikuar rëndë në ecurinë ekonomike në tremujorin e dytë të vitit 2020 në të gjitha vendet e Ballkanit Perëndimor, sipas raportit të fundit të Komisionit Europian për vendet kandidate, për tremujorin e tretë. Mali i Zi regjistroi rënien më të fortë të prodhimit. Prodhimi i Brendshwm Bruto u zhyt me 20.2 pwr qind në terma vjetorë e nxitur nga një kolaps i eksporteve (përkatësisht turizmit), si dhe nga rënia e konsumit të familjeve dhe formimi i kapitalit fiks bruto. Gjithashtu, Maqedonia e Veriut regjistroi një rënie dyshifrore, pas pothuajse stanjacionit në janar-mars, për shkak të tkurrjes së konsumit privat, investimeve dhe eksporteve. Në Shqipëri, recesioni u thellua në një tkurrje ekonomike prej 10.2 pwr qind pas një rënie vjetore të prodhimit, kryesisht e ndikuar nga një rënie e madhe e eksporteve si dhe një tkurrje e investimeve, konsumit privat dhe publik, tw dhwna tw publikuara nga Monitor. Për Shqipërinë, raporti analizon se recesioni përkeqësoi tregun e punës në tremujorin e dytë, teksa punësimi u tkurr me 3.9 pwr qind me bazë vjetore, duke reflektuar humbjen e 34 mijë vendeve pune. Shkalla e papunësisë u rrit me 0.6 pikë përqindjeje me bazë vjetore në 12.5%, i njëjti nivel si në fillim të vitit 2019. Goditja më e keqe ishte tek të rinjtë, grupmosha 15 deri në 29 vjeç për të cilët shkalla e papunësisë u rrit.