Izraeli thotë se ka marrë në shënjestër shtëpitë e komandantëve të Hamasit, ndërsa luftimet vdekjeprurëse me militantët palestinezë në rripin e gazës hyjnë në ditën e 10 të tyre. Izraeli tha se ishte përpjekur të vriste shefin ushtarak të Hamasit, Mohammed Deif, disa herë. Gjatë natës, dy militantë humbën jetën pas një sulmi mbi një apartament. Ndërkohë, një seri e re raketash janë hedhur mbi izrael, me hamasin që thotë se ka marrë në shënjestër një bazë ajrore në jug. Në prapaskena ndërkohë vazhdojnë përpjekjet për një armëpushim, por pak shpresa ka. Franca ka hartuar një rezolutë që kërkon fundin e dhunës, me këshillin e sigurisë të OKB, në koordinim me egjiptin dhe jordaninë, por është vetëm një draft. SHBA ka bllokuar përpjekjet për një deklaratë të përbashkët edhe pse ka kërkuar një armëpushim. Kryeministri izraelit, benjamin Netanyaho ndërkohë thotë se operacionet ushtarake në Gaza do të vazhdojnë për sa kohë të jetë e nevojshme, por i tha autoriteteve në jug se ato mund të përfundojnë brenda disa ditësh. Luftimet nisën pas javësh rritje tensionesh mes izraelitëve dhe palestinezëve. Të paktën 219 persona, përfshirë edhe 100 gra dhe fëmijë janë vrarë në gaza deri më tani. Izraeli thotë se të paktën 150 militantë janë mes të vrarëve në Gaza. 12 persona, mes të cilëve dy fëmijë në izrael janë raportuar të vrarë ndërkohë që ushtria thotë se 3750 raketa janë hedhur në territorin izraelit nga militantët në Gaza.