Kryeministri i Bullgarisë, Kiril Petkov, të shtunën, më 16 shkurt, ka qëndruar në qytetin e Manastirit në Maqedoninë e Veriut, nga ku ka theksuar nevojën për raportet të mira ndër fqinjësore, jo vetëm mes këtyre dy shteteve, por edhe më gjerë në rajonin e Ballkanit Perëndimor. Duke folur për përplasjen mes dy vendeve që ka të bëjë me të kaluarën historike si dhe me respektimin e të drejtave të pakicës bullgare në Maqedoninë e Veriut, Petkov tha se dy qeveritë po punojnë në mënyrë intensive për gjetjen e një zgjidhjeje të pranueshme. Arritja e një zgjidhjeje do të mundësonte heqjen e vetos bullgare për nisjen e bisedimeve të anëtarësimit evropian të Maqedonisë së Veriut, veto që është vendosur në nëntor të vitit 2020.