Dita e fundit e muajit jaanar ka shënuar një ulje të menjëhershme të rasteve të reja në vend. Për më shumë se 30 ditë, në vendin tonë janë shënuar më shumë se 1000 raste, ndërsa piku për këtë muaj ka qenë data 18 janar ku u regjistruan plot 2832 raste në vetëm 24 orë. Ministria e Shëndetësisë tanimë në raportoimin e zakonshëm njofton se këtë të henë janë regjistruar 522 raste në vend pas testimit të 3 mijë e 30 personave. Gjatë këtij harku kohorë janë shënuar 4 humbje jete. Betejën me virusin e rrezikshëm nuk e fituan dy qytetarë nga Durrësi 73 dhe 87 vjeç, një qytetare nga Vlora 77 vjeç dhe një qytetar nga nga Tirana 88 vjeç. Aktualisht në spitalet COVID po marrin trajtim 130 pacientë, nga të cilët 21 janë në gjendje më të rënduar. Në 24 orët paraprake janë shëruar 2,259 qytetarë, duke e çuar kështu numrin e të shëruarve në 236,440 që nga fillimi i epidemisë. Ndërkohë, aktualisht në t gjithë vendin janë 18,757 pacientë aktivë me covid19.