Në pikëkalimin e Kakavijës është pezulluar që prej mëngjesiy kalimi i të gjithë shtetasve të lejuar sipas protokollit të masave të qeverisë greke. Shkak është bërë mosfunksionimi i faqes online që mundëson aplikimin për kalim për shtetasit grekë dhe për ata me karte homogjenë. Qytetarët që krijuan radhë të gjatë herët në mëngjes thanë se e kishin të pamundur të aplikonin sepse faqja nuk e lejon ende. Pala greke i ka kërkuar asaj shqiptare të mos lejojë kalimin drejt Greqisë për asnjë shtetas deri sa të fillojë funksionimi i sistemit. Shumica e atyre që ishin drejtuar për në Greqi janë banorë të zonave të Jugut që edhe më parë ju lejohej kalimi. Pritej që prej ditës së sotme të mundësohej marrja e lejes së posaçme online për të hyrë në Greqi nga këta shtetas, por nuk dihen arsyet përse teknikisht nuk është e mundur ende.