Nuk kanë të ndalur aksidentet këtë të dielë. Pas disa aksidenteve të ndodhura në akse të ndryshme të vendit, një tjetër aksident I rëndë ka ndodhur në mbrëmjen e kësaj të diele në Elbasan, ku ka humbur jetën një person dhe jane plagosur 6 të tjerë. Aksidenti ka ndodhur në aksin rrugor Elbasan- Bradashesh, ku një automjet tip "Volksëagen", është përplasur me një minibus pasagjerësh. Si pasojë e përplasjes janë plagosur 5 persona pasagjerë të minibuzit të cilët janë transportuar në spital të Elbasanit, dhe ndodhen jashtë rrezikut për jetën. Po si pasojë e përplasjes janë plagosur 2 personat që udhëtonin në mjetin "Volksëagen", drejtuesja e mjetit dhe pasagjeri Klevis Dedja që ndërroi jetë më pas. Shërbimet e Policisë morën masa të menjëhershme duke siguruar rrugëkalimin e autoambulancave që transportuan në kohë të shpejtë të plagosurit si dhe bënë të mundur zhbllokimin e trafikut në të dyja kahët e lëvizjes.