Një 32-vjeçar, i cili kishte humbur kontaktet me familjen është gjetur i mbytur në breg të detit në Durrës. Në një njoftim zyrtar, policia njofton se trupi i pajetë u gjet mëngjesin e kësaj të premteje. Nga hetimet paraprake dyshohet se është shtetasi me inicialet S. P., kishte humbur kontaktet që prej datës 28 nëntor. Familjarët bënë denoncim për zhdukjen e tij, pasi deklaruan të dhënat se ai kishte dalë për peshkim. Për këtë shtetas janë ushtruar kontrolle të vazhdueshme për 7 ditë nga polumbarët dhe Forcat Detare”, raportohet ndër të tjera. Nga hetimet e para rezulton se i riu ka dalë për peshkim, por një defect në barkën e tyre si dhe kushtet e motit, kryesisht era ka bërë që të largohen shumë milje nga bregu dhe të mbytet.