Mjekët në austri kanë pranuar se i kanë prerë këmbën e gabuar një pensionisti gjatë një operacioni rutinë. Pacienti i moshuar, 82 vjec, tani përballet me perspektivën e prerjes edhe të këmbës tjetër, pas gabimit tragjik të bërë në klinikën Dreistadt. Spitali ka kërkuar ndjesë duke thënë se stafi është jashtëzakonisht i shokuar nga incidenti. Sipas raporteve, pacienti i moshuar kishte nevojë për një ndërhyrje kirurgjikale për të prerë këmbën e tij të majtë, si pasojë e një sëmundjeje të mëhershme. Sidoqoftë, kur kirurgët e futën atë në sallë, për atë që do të kish qenë një operacion rutinë, ata shënjuan këmbën e gabuar. Në një deklaratë, klinika tha: Ne jemi thellësisht të shokuar pas amputimit të gabuar të këmbës të një pacienti 82 vjecar. Ky është një gabim tragjik”. Sëmundjet e mëparshme besohet se kishin prekur gjymtyrët e pacientit të moshuar deri në pikën që këmba e tij e majtë duhej prerë. Mediat austriake raportuan se pacienti, fillimisht nuk e kishte kuptuar gabimin për shkak të sëmundjes së tij. Ai ishte pyetur nga mjekët për të konfirmuar se cila këmbë duhej prerë para ndërhyrjes. Gabimi fatkeq në të cilin u pre këmba e djathtë në vend të së majtës, erdhi si rezultat i njuë serie rrethanash të padëshiruara – tha klinika duke shtuar se ajo po hetonte se cfarë ka ndodhur dhe se do të rishikonte standartet e tij. Pacientit i është ofruar tani ndihmë psikologjike dhe duhet ti nënshtrohet së shpejti edhe një operacioni të dytë për të prerë këmbën e majtë.