Në të gjithë vendin ka nisur viti i ri shkollor 2020-2021, në kushtet e pazakonta që dikton situata e pandemisë së covid 19. Nxënësit e arsmit parauniversitar mes emocioneve janë rikthyer në banga, pas më shumë se 6 muaj që kur u nderpre mesimi në shkolla si pasoje e masave të marra për shkak të koronavirusit. Sipas vendimeve të marra më herët nga ministria e arsimt në bashkëpunim me ministrinë e shëndëtësisë, është vendosur që mbajtja e mësimit të zhvillohet duke ndjekur një protokoll të rreptë të masave për mbrojtjen nga përhapja e infeksionit. Janë 1760 shkolla që kanë hapur dyert sot. Kështu orët do të jenë të reduktuara nga 45 min në 30 minuta, dhe mësimi do të zhvillohet me turne, duke ndarë klasat në grupe, aty ku numri është i lartë dhe nuk respektohet distancimi i duhur. Me një turn mësimi do të zhvillohet në 1100 shkolla, ndërsa mme 2 nënturne në 480 shkolla, dhe 180 shkolla që kanë numrin më të lartë të nxënësve do të kenë ngarkesën më të madhe thuajse gjithë ditën, pasi mësimi do rë zhvillohet më 4 nënturne, që do të vijojë gjithë ditën. Këtë vit janë raportohet se 480 mijë fëmijë dhe nxënës të arsimit parauniversitar që do ndjekin mësimin në shkollat e vendit , 30 mijë punonjës arsimor, ndërkohë është planifikuar rekrutimi për rreth 1000 mësues të tjerë nëse do të jetë e nevojshme.