Kafka të veshura me stil e të zbukuruara me lule bënin parade në rrugët e Bolivisë për festivalin tradicional të ‘Fiesta de las Natitas’. I njohur shkurt si “ñatitas”, ne festival “kokëzat” dekorohen dhe vihen në paradë drejt Varrezës së përgjithshme të kryeqytetit La Paz, një javë para ‘Ditës së Të Gjithë Shenjtorëve’. Kafkave u vishen kapele, u vihen cigare dhe kurora lulesh, në simbol të të gjitha gjërave që ato kanë shijuar kur ishin në jetë. Vrimat e tyre të syve gjithashtu ‘kurohen’ duke u mbushur me lesh ose pambuk, në mënyrë që të duken sa më të gjalla, ndërsa banda muzikore ‘mariachi’ u bëjnë atyre dhe dashamirësve serenatë. Disa prej kafkave më me fat, u jepen ëmbëlsira ose pije alkoolike. Celebrimi i kafkave, të cilët gjatë vitit mbahen në shtëpi në kuti ose kavanozë të xhamtë, është pjesë e traditës së lashtë që nderon fuqitë e mbiknatyrshme me qëllim përfitimin e fatit të mbarë. Festivali i kafkave besohet se i ka rrënjët në traditat e vjetra të fiseve Uru Chipaya, të cilët raportohet se gërmonin trupat e të vdekurve të tyre në përvjetorin e parë të vdekjes së tyre.