Moti i keq i shoqëruar me rënie të temperaturave ka sjellë reshjet e para të dëborës në Jug të vendit, ku ka nisur të zbardhet edhe Llogaraja. Siç mund të shihet nga këto foto të siguruara nga “Panorama” borëpastrueset kanë nisur punën për hapjen e rrugës, me qëllim qarkullimin e mjeteve. Reshjet e para të dëborës kanë nisur në orët e para të mëngjesit të kësaj të marte. Situata deri më tani duket normale dhe nuk ka vështirësi në qarkullim. Nderkohe, nga sinoptikanet raportohet se mbrëmja shton vranësirat duke sjellë reshje shiu fillimisht në zonat bregdetare dhe gradualisht përfshijnë gjithë vendin. Temperaturat e ajrit ulen në mëngjes por rriten në mesditë duke luhatur vlerat ditore nga 1°C deri në 15°C