Kabineti i sigurisë i Izraelit ka konfirmuar aprovimin një armëpushimi, por nuk është bërë ende e ditur koha e hyrjes në fuqi të tij. Në deklaratë thuhet se armëpushimi është propozuar nga ndërmjetësuesit egjiptianë, dhe do të jetë “reciprok dhe pa kushte”. Më herët, një zyrtar i Hamasit tha se armëpushimi mund të fillojë në orën 02:00 me orën lokale. Ja teksti i plotë i deklaratës: “Sot në mbrëmje u mblodh Kabineti i Sigurisë i Izraelit. Ai e aprovoi unanimisht propozimin e shërbimeve të sigurimit, kreut të Shin Bet-it, kreut të Mosadit, dhe kreut të Këshillit të Sigurisë Kombëtare, për të pranuar iniciativën egjiptiane për një armëpushim dypalësh pa kushte, i cili do të hyjë në fuqi në një kohë që do të bëhet e ditur më vonë. Zhvillimet në terren do të përcaktojnë edhe hapat e mëtejshem.” Që nga fillimi i konfliktit më 10 maj, në Gaza kanë vdekur të paktën 232 njerëz, përfshi 100 gra e fëmijë. Ndërsa në Izrael janë vrarë 12 njerëz, nga të cilët 2 ishin fëmijë. Sipas Izraelit, mbi 4000 raketa janë lëshuar drejt tërritorit të tij nga militantët në Gaza. Pamjet: AFP