Rudolf Merolli, i cili u akuzua se abuzoi seksualisht me vajzën e tij 18-vjeçare është dënuar nga Gjykata me 3 vjet e 4 muaj burg. Prokuroria kërkoi që Merolli të dënohej me 6 vite burg, ndërkohë që Gjykata dha dënimin për vetëm 5 vite burg. Dënimi u ul me 1/3 pasi Merolli përfitoi nga gjykimi i shkurtuar pasi pranoi fajësinë. Ishte vetë 18-vjeçarja ajo që bëri denoncimin e abuzimit seksual në polici pak kohë më parë. Ajo kishte regjistruar disa herë bisedat me të atin dhe gjithashtu deklaroi se ai e kishte droguar atë fillimisht. Në denoncimin e bërë, adoleshentja theksoi se shoqja e saj e ka ndihmuar disa herë për ta shpëtuar nga i ati. 18-vjeçarja rrëfeu se i ati nuk e kishte prekur asnjëherë fizikisht por gjatë gjithë natës ishte përpjekur ta bindte për të kryer marrëdhënie seksuale.