Me rastin e festës së Fiter Bajramit, e cila fesohet nesër nga të gjithë besimtarët myslimanë, kryetari i Komunitetit Mysliman të Shqipërisë, Bujar Spahiu përmes një video mesazhi ka uruar besimtarët pak orë para mbylljes së muajit të shenjtë të ramazanit. Të dashur motra dhe vëllezër! Maratona jonë shpirtërore dhe fizike e këtij muaji, agjërimi, mbërriti në fund. Për një muaj kemi ndarë me njëri-tjetrin sofrat në iftar e në syfyr, jemi lutur për vetet tona, por edhe për njëri-tjetrin. Zoti i gjithësisë na e pastë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellim sot. Bajrami është festë e përmbylljes me sukses, të një rrugëtimi të përsosjes shpirtërore, u shpreh kreu i KMSH-së, ndërsa uroi agjeruesit dhe mbarë shqiptarët brenda dhe jashtë vendit për festën e Bajramit.