Vonesat në shpërndarjen e vaksinës nga kompania Pfizer, po shkaktojnë shqetësim në vende të ndryshme të botës e vecanërisht në itali, ku shefi i agjencisë të ilaceve, Nicola Magrini, tha se situata është kritike. Njoftimi për vonesat, tha ai është komunikuar në castet e fundit. Italia ka si objektiv vaksinimin e të gjithë personave mbi 80 vjec dhe punonjësve të shëndetësisë deri në mars. Ajo po vijon me dhënien e dozës së dytë të vaksinës, por shumë rajone kanë thënë se kanë ndaluar vaksinimet e reja pas njoftimit të Pfizer për shtyrjen. Liderët evropianë shprehën zemërim pas njoftimit fillestar se sasitë që do ti shkojnë atyre do të jenë më të vogla ndërkohë që Pfizer u përpoq ti siguronte se vonesa do të ishte për vetëm një javë kjo pasi kompania po përpiqet të dyfishojë prodhimin dhe për pasojë ka reduktuar përkohësisht aktivitetin në fabrikën e tij në belgjikë, për të bërë përmirësimet e nevojshme. BE ndërkohë ka prezantuar një plan për vaksinimin e 70 për qind të popullatës së rritur deri në qershor por kjo kërkon përshpejtim të procesit. E ndërsa blloku e ka nisur procesin e vaksinimit tre javë më parë, ballkani perëndimor është ende pas, ndërkohë që komisioneri për zgjerimin, Oliver Varhelyi, njoftoi së fundmi se BE ka vënë në lëvizje mekanizmin për sigurimin e vaksinës anti-covid edhe për këtë rajon. “Për të siguruar front të bashkuar për mposhtjen e COVID dhe aksesin e hershëm në vaksina, Komisioni Evropian do të ngrejë një mekanizëm për të strukturuar sigurimin e vaksinave të ndara nga shtetet anëtare, me vëmendje të veçantë tek Ballkani Perëndimor dhe fqinjët. Do të shqyrtohen mundësi të mëtejshme për të siguruar vaksinat sa më herët“, shkruan ai në tëitter.