Shtetet e Bashkuara dhe Koreja e Jugut kanë arritur një marrëveshje, që synon t’i kundërvihet kërcënimeve bërthamore të Koresë së Veriut. Uashingtoni ka rënë dakord që në mënyrë periodike të dislokojë në Korenë e Jugut nëndetëse të pajisura me armë bërthamore, si dhe të përfshijë Seulin në operacionet planifikuese bërthamore të SHBA-së. Në këmbim, Koreja e Jugut ka pranuar që të mos zhvillojë vetë armë bërthamore. Deklarata e Uashingtonit do të forcojë bashkëpunimin e aleatëve në parandalimin e një sulmi nga Koreja e Veriut, tha presidenti amerikan, Joe Biden. Shqetësimet janë rritur në të dyja shtetet lidhur me kërcënimin bërthamor që paraqet Koreja e Veriut. Peniani ka zhvilluar armë taktike bërthamore që mund të shënjestrojnë Korenë e Jugut, dhe ka përmirësuar armët e saj me rreze të gjatë veprimi, që mund të arrijnë tokën amerikane.