Policia e Shtetit ka dalë me një tjetër njoftim lidhur me protestën e djeshme për vrasjen e 25-vjeçarit Klodian Rasha, ku pati përplasje mes protestuesve dhe policisë. Sipas raportit te policise, behet e ditur se janë arrestuar në flagrancë 59 shtetas, ndërkohë që 116 të tjerë janë proceduar në gjendje të lirë. “Si pasojë e dhunës me gurë, pllaka guri, sende të forta dhe lëndë piroteknike u plagosën 5 punonjës policie, duke u shkaktuar dëmtime të rënda fizike, thuhet ne njoftim, u shkatërrua sinjalistika ne rruge. U është vënë flaka kazanëve të mbeturinave, si dhe në institucionet shtetërore dhe subjektet private janë shkaktuar dëme të mëdha materiale”. Policia e Shtetit, nisur edhe nga fakti i pjesëmarrjes së të miturve në protestë është munduar të parandalojë përshkallëzimin e tubimit duke iu bërë thirrje të pandërprerë protestuesve që të shpërndaheshin pasi tubimi i i paligjshëm dhe veprimet e tyre ishin në kundërshtim të plotë më ligjin, por mbi të gjitha përdorimi i dhunës po rrezikonte jetën e punonjësve të policisë, të të miturve në tubim dhe të qytetarëve të tjerë. Shërbimet e Policisë kanë përdorur të gjitha mjetet e ligjshme për të neutralizuar personat e dhunshëm të cilët bënin thirrje për grumbullime dhe nxisin turmat për të dhunuar punonjësit e Policisë.