Shqipërisë i duhet mrekullia dhe kuqezinjtë të tejkalojnë vetveten për të siguruar kualifikimin përballë Spanjës. E sigurt është që një fitore dhe tre pikët e marra na sigurojnë kualifikimin për më tej, në mos si vend i dytë në grupin B, si një prej katër vendeve të treta më të mira të fazës në grupe. Matematika në të tilla raste lë hapur mundësinë edhe për kalim si vend i dytë në grup. Me gjashtë pikë në dy ndeshje, Spanja ka siguruar vendin e parë. Shqipëria mund të renditet e dyta falë golavarazhit në rast të një fitoreje me iberikët, me kusht që Kroacia të mposhtë Italinë. Mrekullia mund të ndodhë edhe me një barazim, por në këtë rast kualifikimi do të varej nga rezultatet e ndeshjes së Çekisë me Turqinë dhe të Sllovenisë, që luan me Anglinë. Humbja e Çekisë dhe e Sllovenisë dhe një barazim i Shqipërisë ndaj Spanjës mund të kalojë kuqezinjtë. Kjo do të ishte hera e parë që ndodh që një skuadër të kalojë grupet me vetëm dy pikë, që prej formatit me 24 skuadra të europianëve.