Universitetet do të vijojnë mësimin online pasi konsiderohen si vatra të përhapjes së koronavirusit. Ky ka qenë vendimi i komitetit teknik të ekspertëve, vendim që u përcoll edhe me prezencën e dy ministreve Ogerta Manastirliu dhe Evis Kushi. Shefja e Institutit të Shëndetit Publik, Silva Bino, tha se dihen sfidat që ka mësimdhënia online. Por ajo bëri të ditur se variantet e reja të Covid transmetohen shumë kollaj nga të rinjtë e moshës 15-24 vjeç.