Nisma e demokrates, Jorida Tabaku për ndryshime në ligjin e tenderave nuk u përqafua nga mazhoranca socialiste. Me tetë vota kundër, projekligji u rrëzua në komisionin parlamentar. Tabaku u shpreh se kontratat konçesionare jo vetëm po dëmtojnë buxhetin e shtetit dhe konkurrencën e lirë, por gjithashtu po shkelin direktivat e Bashkimit Europian. Kryetari i komisionit, Arben Pëllumbi u shpreh se qeveria po punon për disa ndryshime në ligjin e tenderave, të cilat nuk përputhen katërcipërisht me propozimin e Tabakut. Tabaku i prezantoi ndryshimet në ligjin për konçesionet dhe PPP-të në një muaj më parë, si pjesë e “Paketës Anti-Korrupsion”.