Afrim Qendro ish nënkryetari i bashkisë së vlorës, ka marrë një tjetër post nga kryeministri Edi Rama. Qendro është emëruar si prefekt i Tiranës. Vendimi u mor këtë të enjte në mbledhjen e këshillit të ministrave. Qendro më parë ka mbajtur edhe postin e kreut të Autoritetit Rrugor Shqiptar. Ky i fundit u transferua në Vlorë me synimin për të zëvendësuar Dritan Lelin në krye të bashkisë, pasi kryeministri Rama pati disa përplasje me këtë të fundit, pasi ai nuk pranoi të lëshonte postin e tij. Pas dorëheqjes së tij nga posti i nënkryetarit të bashkisë së Vlorës, ai u shpreh se kjo vinte pasi kishte detyra të tjera për të kryer në Tiranë, ku këtë të enjte u konfirmua dhe lajmi se ai do të jetë në krye të prefekturës së Tiranës. Nga ana tjetër, një ndryshim ka ndodihur edhe në prefekturën e Elbasansit, ku spiro maliqi është shkarkuar nga detyra dhe në vend të tij është emëruar Majlinda Perriu.