Për të parën herë, gjermania ka pranuar se ka kryer genocid kundër popullatës herero dhe namas në namibi gjatë erës koloniale dhe do ti dhurojë vendit afrikan 1.1 miliardë euro ndihma në zhvillim. Këtë e ka pranuar në një komunikatë për shtyp ministri i jashtëm Heiko Maas, duke mirëpritur përfundimet e një marrëveshjeje me Namibinë, pas më shumë se pesë vitesh negociata të vështira. Masakrat mes vitit 1904 dhe 1908, u kryen nga kolonët gjermanë, që vranë me dhjetëra e mijëra hereros dhe namas, cka konsiderohet nga shumë historianë si genocidi i parë i shekullit të 20. “Nën dritën e përgjegjësisë historike dhe morale të gjermanisë, do të kërkojmë falje nga namibia dhe pasardhësit e viktimave për mizoritë e kryera – ka vijuar ministri. Programi i financimit prej 1.1 miliardë eurosh në 30 vite, është një xhest i njohjes së vuajtejeve të mëdha që i janë shkaktuar viktimave, me të cilin, vendi evropian do të mbështesë rindërtimin dhe zhvillimin e vendit. Por Maas saktëson se nuk bëhet fjalë për një dëmshpërblim në bazë juridike dhe se pranimi nuk hap rrugën për asnjë lloj kërkese ligjore për dëmshpërblim. Një ditë më parë, Franca fqinje, i kërkoi ndjesë ruandës, për genocidin e kryer atje e po ashtu i dha vendit një hua prej 60 milionë eurosh bashkë me premtimin se do të financojë vaksinat dhe mbrojtjen sociale.