Shqiptarët renditen te tretet në listën e shtatasve që janë refuzuar të hyjnë në në territorin e BE-së gjatë vitit 2019. të dhënat janë bërë publike nga eurostat bën të ditur monitor. Sipas këtyre të dhënave të Eurostat gjatë vitit 2019 rreth 717,600 shtetas jo të BE-se u refuzuan të hyjnë në shtetet anëtare nga kufijtë e tyre të jashtëm. Numri i refuzimeve u rrit me 58% në krahasim më vitin pararendës. Më të refuzuarit ishin Marokenët me 489,900, të ndjekur nga shtetasit e Ukrainës 66,500 dhe shtetasit shqiptarë që janë 22,800). Një shumicë e madhe e refuzimeve u regjistruan në Spanjë, plot 493 500, e ndjekur nga Polonia 65 400 dhe Franca 56 600. Të treja së bashku këto shtete Anëtare të BE-së kishin 86% të të gjithë qytetarëve që ju refuzua hyrja në BE në 2019. gjatë vitit të kaluar u gjetën 10% më shumë emigrantë që qëndronin në mënyrë ilegale në BE se sa në vitin 2018. 627 900 qytetarë të huaj u zbuluan se jetonin ilegalisht, por ky numër ishte 75% më i ulët se në vitin 2015, kur numri i përgjithshëm i qytetarëve që gjendeshin ilegalisht të pranishëm në BE ishte 2,085,500, më i larti i regjistruar ndonjëherë. Gjermania raportoi numrin më të madh të shtetasve jo-BE që gjendeshin ilegalisht të pranishëm në 2019 (133 500), pasuar nga Greqia (123 000), Franca (120 500) dhe Spanja (62 900). Këto katër shtete anëtare së bashku përbënin 70% të të gjithë atyre që rezultuan së jetojnë ilegalisht në BE. Në vitin 2019, rreth 491,200 të huaj u urdhëruan të largohen nga territoret e Shteteve Anëtare të BE-së, me rritje 8% në krahasim me vitin 2018. Numri më i lartë i personave të urdhëruar të largoheshin nga territori i BE-së ishte për ukrainasit (37,100), marokenët (34 800) dhe shqiptarët (30, 900). Ukrainasit (27,200) kryesuan listën e qytetarëve larguar, të ndjekur nga Shqiptarët (15, 400), Marokenët (10,200) dhe Gjeorgjianët (8,600).