Pandemia e koronavirusit që solli një pasiguri për të ardhmen I ka bërë shqiptarët që të jenë më kursimtarë. Sipas të dhënave të Bankës së Shqipërisë në muajt maj dhe qershor, depozitat në bankat e nivelit të dytë janë rritur. Por në muajin korrik, që përkon me rifillimin e lëvizjeve dhe aktivitetit ekonomik, tendenca e rritjes së depozitave është ngadalësuar. Sipas statistikave të Bankës së Shqipërisë, stoku i depozitave në banka arriti në 1.05 trilionë lekë, ose 8.5 miliardë euro. Në krahasim me muajin e mëparshëm u shënuar një rënie e lehtë prej 133 milionë lekësh (0.01%).