Shefi i NATO-s, Jens Stoltenberg, është i bindur se ndihma ushtarake nga aleatët dhe partnerët i ka përmirësuar ndjeshëm gjasat e Ukrainës për t’i çliruar territoret e pushtuara nga Rusia që nga fillimi i pushtimit të saj të paprovokuar. Deklarata e shefit të aleancës veri-atlantike ushtarake erdhi ndërkohë që Kievi zyrtar raportoi se luftime të ashpra po zhvilloheshin për ta fituar kontrollin e Bahmutit, qytet në lindje të Ukrainës që ka qenë epiqendra e ofensivës ruse. Duke folur para gazetarëve në selinë e NATO-s në Bruksel, Stoltenberg, tha se NATO ka trajnuar dhe pajisur më shumë se nëntë brigada të reja të blinduara ukrainase. Kjo do ta vendosë Ukrainën në pozitë të fortë për të vazhduar rimarrjen e territorit të pushtuar”, tha Stoltenberg. Nuk dihet saktësisht se sa trupa ishin të përfshira në këto stërvitje, por në ushtritë perëndimore, një brigadë ka rreth tre deri në pesë mijë ushtarë.