Një gjykatë në Moskë ka dhënë urdhër që të bllohohen platformat online të kompanisë teknologjike Meta, duke e etiketuar këtë të fundit si një organizatë ekstremiste. Sipas këtij vendimi, Instagam dhe Facebook, do të bllokohen në Rusi, ndërsa platfomat e tjera online do vijojnë të jenë në përdorim. Gjykata e qarkut Tver, duke shpërfillur kërkesën e avokatëve të Metës për shtyrjen e seancës për t'u dhënë atyre kohë për t'u përgjigjur në këtë çështje, tha se vendimi i saj hyn në fuqi menjëherë, pra duke filluar nga kjo e hënë. Nga ana tjetër, prokurorët e shtetit e paraqitën kërkesën pasi u shfaq lajmi se kompania Meta po lejonte përdoruesit e Facebook dhe Instagram në disa vende, të bënin thirrje për dhunë kundër rusëve dhe ushtarëve rusë pas pushtimit të paprovokuar të Ukrainës nga Moska më 24 shkurt. Pas vendimit të gjykatës, kompania në fjalë nuk ka bërë asnjë reagim, as nuk e ka pranuar një gjë të tillë dhe as nuk e ka kundërshtuar atë.