Kryeministri grek Kyriakos Mitsotakis i ka dërguar një mesazh qeverisë së re maqedonase, për çështjen e Maqedonisë së Veriut. “Dua t’i dërgoj edhe një herë një mesazh paralajmërues qeverisë së re: të ndryshojë linjën që tani e tutje, të respektojë këtë dispozitë qendrore të Marrëveshjes së Prespës, të përdorë vetëm emrin Maqedonia e Veriut brenda dhe jashtë vendit, kur i referohen fqinjit tonë verior”, tha Mitsotakis. Më tej kryeministri grek thotë se ka informuar Bashkimin Europian për deklaratat e Presidentit të Maqedonisë së Veriut, ku shtoi se do të ushtrohet një presion i përgjithshëm mbi udhëheqjen e Maqedonisë së Veriut. Dy ditë më parë presidentja e re maqedonase gjatë betimit vendit iu referua vetëm si Maqedoni, ndërsa kryeministri Hristian Mickoski sfidoi Greqinë, duke thënë se është e drejta kushtetuese e vendit të quhet si të dojë. Emërtimi i Maqedonisë së veriut duket se ka sjellë në krizën mes dy vendeve, që prej disa kohësh ishte tejkaluar. Më parë ministri grek i punëve të jashtme ka thënë se një nga parakushtet për promovimin e procesit evropian është respektimi i Marrëveshjes së Prespës nga Maqedonia e Veriut. Pamjet: AFP