Grekët do t’u drejtohen kutive të votimit më 21 maj, për të shprehur vullnetin e tyre në zgjedhjet parlamentare. Ka qenë kryeministri grek Kyriakos Mitsotakis ai që ka shpallur datën zyrtare të zgjedhjeve. Në komunikimin e datës së zgjedhjeve, Mytsotakis kërkoi një tjetër mandat nga populli grek, gjatë të cilit tha se do të çojë përpara reformat e nisura. Partia Demokracia e Re, që erdhi në pushtet në 2019-ën, ka ruajtur epërsinë në të gjithë sondazhet e zhvilluara gjatë mandatit të saj 4-vjeçar, megjithatë pozitat mund të jenë lëkundur disi muajin e fundit, për shkak të aksidentit në Tempi.