Kina njoftoi se misioni i saj pa pilot në Hënë që synon të mbledhë kampionë pluhuri dhe shkëmbinjsh për t'u rikthyer më pas në Tokë, ka zbritur me sukses në sipërfaqen e satelitit të vetëm natyror të Tokës. Sonda Chang'e-5 pritet të kalojë dy ditët e ardhshme duke hulumtuar dhe duke mbledhur material. Qëllimi është të mbledhë rreth 2 kilogramë shkëmbinj hënorë që do të dërgohen në një mjet në orbitë dhe që më pas të mund të transportohen drekt Tokës. Nëse misioni 23 ditor do të rezultojë suksesshëm, kjo do të jetë hera e parë në katër dekada, që një vend merr kampione hënore, pas misioneve të SHBA-së dhe sovjetikëve në vitet 1960 dhe 1970. Qëllimi i tij është të ndihmojë shkencëtarët të mësojnë për origjinën e hënës, formimin dhe aktivitetin vullkanik dhe të çojnë përpara hulumtimin e hapësirës hënore. Kina ka kryer dy ulje të mëparshme në Nënë – në vitet 2013 dhe 2019. Shpresat në Pekin janë që programi hapësinor i drejtuar nga ushtria kineze të arrijë në fund edhe dërgimin e njerëzve në Hënë. Pamjet: AFP