Pas transmetimit në Top Story të vjedhjes përmes mashtrimit të institucioneve financiare jobanka ka pasur dhjetëra denoncime nga qytetarë të ndryshëm që kanë rënë viktima të tyre. Denoncimet më të shumta janë për institucionin financiar microcredit Albania, shkurt MCA, që vepron për mbledhjen e kredive të këqija. Ky institucion abuzon me qytetarët, teksa bashkëpunon edhe me zyra përmbarimore, dhe jo vetëm që u bën presion qytetarëve, por edhe firmos kontrata me ta, shumë herë në përqindje të larta, pa normën e interesit, sipas asaj që përcakton Banka e Shqipërisë. Denoncimi në Top Story për Micro Credit Albania ishte nga familja Halili që pasi kishte marrë një kredi në një bankë të nivelit të dytë, ishte detyruar të paguajë shumë herë në shifra të larta, pasi banka që kishte dhënë kredinë e kishte shitur atë tek institucioni jo financiar. Më pas Micro Credit Albania e detyron që të marrë një kredi që të shlyej detyrim pranë po këtij institucioni. Dhe kjo ishte skema e përsosur për ta fundosur këtë familje. Skema është ndërtuar duke përdorur në formë të lidhur dhe strukturuar veprime të koordinuara të avokatëve, përmbaruesve, agjentëve të institucionit financiar jo bankë, dhe nje agjencie mbledhje borxhesh, ku kryeson mivro credit albania. Këto shoqëri të lidhura mes tyre nga Arben Meskuti dhe Olsi Ibro përmes kësaj skeme, kanë futur në një rreth vicioz me qindra qytetarë të përfshirë në procese fiktive përmbarimi dhe bankare, të cilëve ju është imponuar marrja e detyruar e kredive të reja të Micro Credit Albania. Skema është ngritur nga Arben Meskuti me disa role si, avokat, përmbarues, bankier bashkë me notere Ernela Çuberi (bashkëjetuese) dhe Olsi Ibro me rolin e avokatit dhe themeluesit të ADCA bashkë me bashkëshorten Elda Ibro, kontabiliste dhe pronare e MCA. Kreditë e këqija të bankave të nivelit të dytë blihen nga këto institucione financiare dhe përmbarimore.