Presidenti I vendit Ilir Meta përmes një letre zyrtare I ka kërkuar informacion kryeministrisë lidhur me njësitë vendore ku kryetarëve iu ka mbaruar mandati në mënyrë të parakohshme. Letra e kreut të vendit vjen pas përgjigjes së Komisionit Qendror të Zgjedhjeve për bashkitë pa kryetar. Bëhet me dije se Meta ia ka dërguar letrën Sekretarit të Përgjithshëm të Këshillit të Ministrave. Sipas KQZ bashkitë pa kryetar janë vetëm tre, Vora, Dibra dhe Shkodra dhe jo gjashtë siç është pretenduar nga Presidenti. KQZ thotë se nuk kanë asnjë informacion për Lushnjen, Rrogozhinën dhe Durrësin. Në Letrën e presidentit drejtuar Kryeministrisë thuhet se “për raste të tjera të vakancave të krijuara, Komisioni Qendror i Zgjedhjeve nuk është vënë në dijeni dhe brenda kompetencave të veta ju vë në dispozicion informacionin e saktë vetëm për sa është në fushën e vet të përgjegjësisë ligjore”.