Emrat e ministrave të rinj të kabintetit qeveritar të propozuar nga kryeministri Edi Rama ndodhen tashmë në tavolinën e presidentit Ilir Meta. Por kreu i shtetit ka ndjekur procedurën ligjore para se të hedhë firmën për dekretimin e tyre. Përmes një shkrese zyrtare Meta i është drejtuar prokurorisë, ku i kërkon informacione mbi emrat të gjithë e rinj të kabinetit qeveritar, që ka propozuar kryeministri Edi Rama. Kreu i shtetit kërkon të dijë nëse për ndonjërin prej tyre ka procese hetimore apo penale që janë nisur apo mund të jenë në fazë vlerësimi. Kreu i Shtetit i bën thirrje Prokurorisë që nëse ka informacione pa cenuar sekretin hetimor, t’ia përcjellë institucionit sa më parë.