Një automjeti i është vënë tritoli mbrëmjen e sotme në fshatin Zallë të Krujës, por fatmirësisht nga shpërthimi nuk kanë mbetur persona të lënduar. Ngjarja u regjistrua mbrëmjen e kësaj të enjtjeje, ndërsa automjeti rezulton në pronësi të Lirim Talit. Lirim Tali është një person I skeduar në polici për trafik droge, I cili aktualisht ndodhet në arrest shtëpie. Në momentin e shpërthimit të tritolit, automjeti ishte I parkuar pranë banesës së Talit, ndërsa janë regjistruar vetëm dëme materiale. Në njoftimin zyrtar të policisë thuhet se automjeti është dëmtuar pjesërisht. Nuk dihen të tjera detaje për ngjarjen, ndërsa grupi hetimor po kryen veprimet për identifikimin e autorëve dhe zbardhjen e plotë të rrethanave të ngjarjes.