Pas afro 1 muaj nga grabitja e filialit të bankës në Koplik, policia ka arrestuar autorët e dyshuar të ngjarjes. Burimet bëjnë me dije se dy të rinj nga zona e Bajzës në Malësinë e Madhe kanë rënë në pranga, teksa po merren në pyetje në komisariat. Grabitja me armë u regjistrua më 9 maj, ku autorët arritën të marrin në bankën e nivelit të dytë në Koplik 10 mijë euro, 1 mijë dollarë dhe rreth 400.000 lekë të rinj. Grabitja u zhvillua në harkun kohor të 7 minutave, teksa nën kërcënimin e armës, persona të maskuar morën shumën e parave. Ata u larguan me një automjet tip ‘Golf 3’, të cilin e dogjën pak çaste më pas. Ngjarja ishte tipike sin ë skenat e filmave aksion, teksa po nën kërcënimin e armës grabitën dhe një automjet Benz Mercedes me të cilën u larguan. Policia dhe FNSH vijuan kontrollet nga toka e ajri pa mundur të zbulojnë vendndodhjen e autorëve. Fillimisht qarkulloi informacioni se persont që morën pjesë në grabitje ishin 3, por aktualisht 2 janë nën arrest. Policia nuk ka bërë një reagim zyrtar për ngjarjen, përveç atij të 9 majit. Kontrollet kanë vijuar përgjatë gjithë këtyre ditëve, madje ka pasur dhe të tjerë person të shoqëruar, nëse kishin më tepër informacion për grabitjen. Ndalimi I dy autorëve do të çojë në zbardhjen e plotë apo arrestim nëse ka të tjerë të përfshirë.