Me shifrat e koronavirusit në rritje, video-mesazhin e saj javor kancelarja Angela Merkel e ktheu në një apel drejtuar gjermanëve për disiplinë. Merkel e theksoi se kjo eshte një fazë shumë serioze e pandemisë. Sipas shefes së ekzekutivit gjerman, këto ditë dhe javë do të vendosin sesi i do të jetë ky dimër. "Takohuni me sa më pak vetë, brenda apo jashtë shtëpisë. Ju lutem: mos kryeni asnjë udhëtim që nuk është patjetër i nevojshëm, hiqni dorë nga çdo festim që nuk është patjetër i nevojshëm. Qëndroni, nëse është e mundur, në qytetin tuaj. E di, se kjo nuk tingëllon vetëm e ashpër, dhe në raste të veçanta madje është shumë e vështirë të heqësh dorë nga disa gjëra, por do të jetë vetëm për një kohë të caktuar. Në fund të fundit, njerëzit në Gjermani e bëjnë këtë edhe për veten e tyre. si do të jenë Krishtlindjet tona, këtë do ta vendosim ne me sjelljen tone”. Merkel e vlerësoi punën e zyrave të shëndetësisë, por theksoi, se nëse pandemia përhapet kaq shpejt, nuk do mund të identifikohen dot kontaktet. Që këtë javë po bëhet e qartë, se kemi arritur në "një fazë serioze të pandemisë, u shpreha ajo, duke shtuar se pas një vere relaksuar, para nesh qëndrojnë muaj të vështirë, dhe tani duhet bërë gjithçka që virusi të mos përhapet pa fre.