Gjyqtari i Posaçëm, Erjon Çela ka dhënë dorëheqjen nga shqyrtimit i dosjes Gërdeci, e rihapur nga SPAK, ku ish-ministri i Mbrojtjes, Fatmir Mediu është marrë i pandehur. Çela e ka argumentuar heqjen dorë nga shqyrtimi i kësaj dosjeje me faktin që e ka gjykuar një herë në vitin 2021 dosjen e SPAK dhe ka vendosur mosnisjen e hetimeve. Në vendimin e marrë në atë kohë, gjyqtari thotë se Fatmir Mediu nuk mund të gjykohet, pasi veprat penale për të cilat ai akuzohet janë parashkruar. Prokuroria e Posaçme kundërshtoi vendimin e gjyqtarit dhe pasi plotësoi dosjen me prova të reja ka ngritur d yakuza ndaj Fatmir Mediut për shpërdorim detyre sipas kodit penal dhe kodit ushtarak. Dorëheqja e Çelës ka shtyrë seancën dhe javën e ardhshme pritet që të caktohet një tjetër gjyqtar për të vlerësuar dosjen e SPAK ndaj Mediut.