Gjatë një bashkëbisedimi me të rinjtë në Gjirokastër, kryeministri Rama tha se qeveria do të rrisë financimin për Startup-et, duke shtuar paralelisht edhe laboratorët smart në shkolla, me qëllim që të gjithë të kenë akses ndaj teknologjisë. Ne kemi pasur një rrugë jo të lehtë në këtë aspekt, por tani shikojmë që janë hapur disa shtigje që po rrihen gjithmonë e më shumë nga të rinjtë. Me programin e start-upp e kemi nisur me vetëm 40 aplikime dhe sot kemi 1500 dhe më shumë aplikime. Kjo natyrisht na ka vënë në pozitën që të ndërhyjmë përsëri për të rritur financimin. Patjetër që duhet të bëjmë një seleksionim përmes mekanizmave që kanë ngritur për këtë punë. Ne jo vetëm duhet të shtojmë financimin për programin tonë të Start-upp, por të gjejmë rrugët për të rritur financimin edhe përsa i përket pikërisht atyre që janë ende në shkollë apo universitet. Pra pa pritur që të mbarojnë shkollën dhe universitetin.