Pak orë pas vrasjes së Arben Mërkurit në Sukth të Durrësit, policia ka marrë në pyetje 20 persona. Sipas informacioneve, një pjesë e tyre kanë parë momentin e ekzekutimit të 48-vjeçarit, detaje të cilat ia kanë komunikuar dhe hetuesve. Sipas burimeve thuhet se kanë qenë dy persona të maskuar, të cilët lëviznin me një fuoristradë Benz Mercedes. Njëri prej tyre, ka dalë nga dera e paë e pasagjerit dhe ka shkrehur kallashnikovin në drejtim të Mërkurit. Më pas, automjeti tip GLE, ngjyrë gri, i cili dyshohet se ishte me targa false është filmuar nga kamerat e sigurisë disa metra larg vendngjarjes, në momentet kur ishte duke u larguar.