Ilirjan Selmani, i dyshuar për vrasjen e Kozeta Teços në Pogradec, doli këtë të enjte para togave të zeza te Korçës, ku iu caktua masa e sigurisë arrest me burg. Me pranga në duar, dhe i shoqëruar nga dy policë, Selmani u paraqit në gjyq. Seanca u zhvillua me dyer të mbyllura, ku prokuroria pasi paraqiti provat kërkoi burg për të akuzuarin. Kërkesë që u aprovua nga trupi gjykues. Pas përfundimit të seancës avokati mbrojtës u shpreh se Selmani nuk ka pranuar në asnjë moment autorësinë e krimit. Sipas hetimeve paraprake, mbrëmjen e së dielës Selmani ndodhej në banesën e viktimës me të cilën kishte pasur një lidhje prej disa vitesh. Dyshohet se një konflikt mes tyre degradoi në dhunë fizike dhe më pas në vrasje. Sipas dinamikës së ngjarjes, viktima u godit me thikë nga i dyshuari, i cili, sipas organit të akuzës, tentoi të fshehë krimin duke i vënë flakën banesës. prentendime këto që mbështeten edhe nga pamjet e kamerave të sigrurisë. Autori i dyshuar akuzohet për veprën penale “Vrasje për shkak të marrëdhënieve familjare”.