Numri I nxënësve në qarkun e Korçës për këtë vit ka një rënie të ndjeshme. Krahasuar me një vit më parë, janë 3 726 më pak nxënës. Shifra është ulur nga 21 080 në 17 354. Kjo situatë ka bërë që në qytetin e Korçës disa shkolla të bashkohen. po ashtu shumë klasa të para janë mbyllur pasi nuk ka pasur regjistrime. Problem mbeten zonat rurale të cilat rrezikojnë mbylljen për shkak të rënies së lindshmërisë por dh emigracionit, pasi shumë familje kanë zgjedhur që të largohen. Sipas nënkryetarit të sindikatës së mësuesve në Korçë, reduktimi me gati një të katërtën e nxënësve është një tregues alarmant që kërkon ndërhyrje emergjente në sistemin arsimor, shkruan Top Channel. Ulja e numrit të nxënësve reflektohet edhe tek mësuesit, të cilët mbeten pa ngarkesë mësimore. Një pjesë e tyre pritet të kalojë si mësues ndihmës ose të angazhohet në programe pas shkollore. situatë e ngjashme është dhe në zonat e tjera të vendit.