Diktatori i koresë së veriut u shfaq më elegant se kurrë ndërsa u shfaq në një transmetim televiziv këtë javë. Në pamjet e publikuara nga media shtetërore, dukej se ai kishte humbur jo pak kilogramë. Ai u pa ndërsa ecte para qindra nxënësve shkolle, që e shihnin atë me admirim dhe shoqëronin cdo hap të tij me brohoritje dhe duartrokitje, ndërkohë që Peniani feston ditën e Rinisë. Spekulimet rreth shëndetit të Kim Jong Un e kanë detyruar qeverinë e vendit të izoluar që të ndërhyjë në përpjekje për të ndalur zërat duke i quajtur ato madje reaksionare. Vendimi u mor më herët gjatë këtij viti pasi disa foto të publikuara tregonin rënien drastike në peshë të liderit koreano verior. Zyrtarë të partisë komuniste thanë se Kim po ha më pak për hir të vendit që po lufton me varfërinë duke hedhur poshtë mundësinë që diktatori të ketë probleme shëndetësore.