Ambasada e Francës në Kosovë është shprehur për veprimet e Qeverisë në veri, për mbylljen e Qendrave serbe për Punë Sociale i dëmtojnë përpjekjet për normalizim të marrëdhënieve midis Kosovës dhe Serbisë. Franca po ashtu, kërkon që për strukturat paralele në veri të bidesohen në Bruksel me Serbinë dhe se për këtë, përfaqësuesi Special i BE-së për Dialogun Beograd-Prishtinë, Peter Sorensen, është i gatshëm të lehtësojë diskutimet. “çështja e strukturave të mbështetura nga Serbia duhet të zgjidhet në kuadër të dialogut të lehtësuar nga BE-ja”, shprehet ambasada franceze. Mediat e Kosovës bëjnë me dije se sipas ambasadës franceze, nevojitej një marrëveshje alternative e dakorduar paraprakisht, përpara se ndërmerrej aksioni për mbylljen e strujturave ekzistuese që ofrojnë shërbime themelore sociale për serbët e Kosovës dhe komunitetet e tjera. Po ashtu, Ambasadës së Francës në Kosovë ka delklaruar se Misioni i EULEX-it është në pritje të detajeve për të verifikuar faktet në lidhje me aksionin e Policisë së Kosovës. “Asnjë kujdes shëndetësor, institucion arsimor, apo strukturë tjetër që ofron shërbime sociale bazë të mbështetur nga Serbia nuk duhet të mbyllet”, thuhet në përgjigjen e Ambasadës së Francës.