Prokuroria e Gjirokastrës ka vendosur të mbyllë hetimet për 35 vjecrin Kostandin Kacifas, I cili mbeti I vrarë 3 vite më parë në Bularat të Gjirokstrës me dy plumba kallashnikovi. Kërkesa i është referuar gjykatës së Gjirokastrës nga prokurori Julian Çafka. Familjarët e viktimës kërkuan që të njihen zyrtarisht me aktet hetimore që përmban dosja, si dhe aktin e ekspertimit mjeko-ligjor dhe ekspertimin balistik të armës automatike, që i ndjeri kishte ditën e ngjarjes me vete. Mirëpo, nga përfundimi i këtyre akteve hetimore del se Kacifa, ka kryer vetëvrasje me armën e tij, teksa ndodhej i rrethuar nga forcat policore RENEA, në malin mbi fshatin Bularat. Ngjarja e rëndë ka ndodhur në datën 28 Tetor 2018. 35 vjecari pati përplasje me armë zjarri me Forcat e Repartit Special RENEA, për pasojë mbeti i plagosur dhe më pas ndërroi jetë. Kjo ngjarje u regjistrua në prag të zhvillimit të festes se Greqisë, e cila si çdo vite organizohet edhe në qendër të fshatit Bularat në Gjirokastër.