“Mbreti i Kokainës” i cili mbushi Anglinë me drogë e i kërkuar për vrasjen e dy policëve kapet pas 27 vitesh në arrati”. Ky është titulli i gazetës britanike ‘The Sun’, kushtuar ekstradimit të Dritan Rexhepit nga Turqia. Media britanike thekson se Shqipëria arriti të fitonte garën me Italinë, Anglinë apo dhe Belgjikën për ekstradimin e vlonjatit të shumë kërkuar. “Ekstradimi Dritan Rexhepit është një arritje e madhe e cila tregon besimin që gëzon Policia e Shtetit tek partnerët në të gjithë botën.”, tha drejtori I Policisë së Shteti Ilir Proda për gazetën ndërsa pati dhe një mesazh për të gjithë të kërkuarit e drejtësisë. “Është një shërbim i madh për drejtësinë shqiptare dhe dërgon një mesazh të fortë se asnjë i kërkuar shqiptar nuk është i sigurt atje ku fshihet”, tha ai. Në artikull specifikohet dhe një dërgesë droge e nisur nga Ekuadori drejt portit të Portsmuthit nga ana e Rexhepit. Porosi që më pas solli dhe rrëmbimin dhe ekzekutimin e Jan Prengës.