Shifat e covid 19 në vend vijojnë të mbeten të larta, ku në 24 orët e fundit janë shënuar 10 viktima. Betejën me virusin e rreikshëm nuk e fituan, 2 qytetarë të moshës 43 vjec nga Elbasani dhe Durrësi, një 44 vjecar nga Lushnja, 4 qytetarë të moshave 52 deri në 86 vjec nga Tirana, një 61 vjecar nga Berati, një 69 vjecar nga Shkodra dhe një 77 vjevar nga Kucova. Përsa I përket numrit të rasteve të reja, në 24 orë 435 qytetarë kanë rezultur pozitivë nga 2 mijë e 193 testime të kryera. Tirana vijon të jetë qarku më I infektuar, ku po gjatë kësaj fashe orare ka shënaur 207 raste. Në spitalet Covid po marrin trajtim 163 pacientë, nga të cilët 22 janë në gjendje të rënduar shëndetësore, ndërsa në të gjithë vendin janë 6 mijë e 268 pacientë aktivë. Po gjatë këtij hgarku kohorë, janë shëruar 446 qytetarë, duke e çuar numrin e të shëruarve në 168 mijë ne 883 që nga fillimi i epidemisë në vend.