Zëdhënësi i Bashkimit Evropian, Peter Stano i është përgjigjur Prishtinës zyrtare për masat ndëshkuese që blloku ka vendosur ndaj Kosovës, se ato do të hiqen kur ta vendosin shtetet anëtare dhe jo qeveria kosovare. Stano tha se mbajtja e votimeve në komunat në veri të Kosovës më 21 prill, ishte një prej disa kushteve që BE-ja vendosi për heqjen e masave ndaj Kosovës, të cilat dështuan për shkak të pjesëmarrjes së pamjaftueshme në votime. Stano u shpreh se masat ndëshkuese nuk janë vendosur për një, por për disa arsye, dhe se ekziston mundësia edhe të hiqen pjesërisht. Sipas zëdhënësit të Bashkimit Evropian, vendimi për heqjen e mundshme të masave ndaj Kosovës kërkon një konsensus më të gjerë në gjithë BE-në.