Pas arritjes së marrëveshjës nga Kosova dhe Serbia për miratimin e Deklaratës për Personat e Zhdukur, presidentja e Kosovës Vjosa Osmani reagoi këtë të premte, duke e cilësuar hapin si arritje të suksesshme drejt normalizimit të marrëdhënieve mes dy vendeve. Deklaratën Osmani e bëri në një interistë të dhënë për gjigandin mediatik BBC, teksa nddohet në Londër për ceremoninë e Kurorëzimit të Mbretit Charles III. “Besoj se java e fundit ka qenë goxha e suksesshme, veçanërisht në një çështje të veçantë, që është miratimi i Deklaratës për Personat e Zhdukur që janë zhdukur me forcë gjatë luftës, është një çështje që e kam shtyrë përpara dhe si Kosovë kemi investuar në këtë sepse janë mbi 1600 familje që ende i kërkojnë të dashurit e tyre që janë rrëmbyer gjatë luftës dhe për këtë arsye llogarisim mbështetje shtesë nga Britania e Madhe që është një nga vendet me rol kryesor për të na mbështetur”, theksoi ajo. Liderja e Kosovsës kërkoi mbështetjen e Britanisë së Madhe dhe vendeve të tjera aleate të Kosovës për zbatimin e kësaj marrëveshje të arritur më 2 maj mes kryeministrit të Kosovës, Albin Kurti dhe presidentit të Serbisë, Aleksandar Vuçiç. Më dy maj, Kosova dhe Serbia nuk ranë dakord për marrëveshjen e Asosacionit të komunave me shumicë serbe, por miratuan marrëveshjen për mbi 1600 personat e zhdukur gjatë luftës në Kosovë në vitet 1998-1999.